ولادت امام حسین و قمر بنی هاشم و اشاره به اوضاع یمن و شام و عراق:
دوشوب آفاقه صدا سوم شعبان گلدی
تهنیت فاطمیه،روحینه ریحان گلدی
مرحبا حیدره،سالار شهیدان گلدی
شهرتی قبل ولادتده ،دوتوب آفاقی
عرشه زینتدی یقین بو بالانون قنداقی
_____________
یغالار بیر صفه عالمده اگر پنج تنی
انبیا بیر طرفه،باشدا رسول مدنی
تانوری اهل سما،کربوبلا شاهی سنی
حق سنون منزلتیندن ئوزی تجلیل الییوب
زینبون نطقیده بو نهضتی تکمیل الییوب
______________
کعبه مولودینون اسرارینه سن محرمیدون
قاب قوسینه سبب،ختم رسوله،سنیدون
لحمک لحمی دیدی،پاره ای از اول تنیدون
بضعه ی احمده،یکتا،سنی یکتا ویردی
شاهکار ایتدی سنی شیعه یه مولا ویردی
______________
شاکرم هر ایکی دنیاده ئوزوم لم یزله
منی نوکر یارادوب دهریده سن تک گوزله
لبلرون طعنه ویرور واژه ی قند و عسله
او گوزل صورته الله نه گوزل قاش یارادوب
سنه دنیاده ابالفضل کیمی قارداش یارادوب
_____________
بو ابالفضل آقا اهل حرمین گوهریدی
مرحبا رتبه سینه شیعه لرون سروریدی
پهلوانان قوی پنجه اونون نوکریدی
یوسف مصری آلا گوزلرینه مشتریدی
قدرت خلقت علی اوغلونی گویچک یارادوب
بو ابالفضل آقانی شیعه لره تک یارادوب
_____________
آند ویرم سنی اول منتظر پاک نفس
اوجالوب عرشه عراق و یمن و شامیده سس
داعش و آل سعودین تز آقا نسلینی کس
سازمان مللون سردرینه یازدیر علی
ویر او وهابیلره سیلی بین المللی
_____________
باخما که آل سعود ئولدورور اهل یمنی
باخما که منطقه ده ظلمین ایدیبدور علنی
چکوری فرشچیان،طرح ضریح حسنی
اوردا رهبر گورورم خطبه ی طوفانی اوخور
پای منبر اونا حاج اصغر زنجانی اوخور
(بهلول حبیبی زنجانی)
ثبت دیدگاه