چوخور یرده ویروبسن جان ئولیدی زینبون قارداش
آخوبدور یاره لردن قان، ئولیدی زینبون قارداش
سالوب هانسی جفا پیشه بو حاله پیکرون قارداش
کسوب باشون سویوب رختین سینوب بال و پرین قارداش
گلوبدور ساربان مقتلده کسدی اللرون قارداش
هانی بس پنجه احسان ئولیدی زینبون قارداش
——————————-
نه چکدون بارماقین بجدل کسنده زینبون قربان
سنی چوخ اینجیدوب دشمن الینده خنجر بران
مگر سن نیلموشدن که ایدوبلر قانیوه غلطان
گرک یانسون باجون هر آن ئولیدی زینبون قارداش
او ساعت که حسین مقتلده سندن آیریلوب گیتدیم
خیامه اللری قانلی یامان حالیله من یتدیم
حرملر دوره می آلدی سنون حالین بیان ایتدیم
اوجالدی ناله و افغان ئولیدی زینبون قارداش
حسین جان سن شهید اولدون توکولدی لشکر اخیامه
داغلدی چوللره قیزلار اولوب غارت زر و جامه
صورا اود وردیلار یاندی چادر لار قوپدی هنگامه
چخارتدوم اوغلووی اودان ئولیدی زینبون قارداش
سالاندا وحشته اهل و عیالون دشمن هاردیدون
او گئجه بیر یاری یانمیش چاردیدوخ سن هاردیدون
قنادسیز قوش کیمی قیزلار ایدنده شیون هاردیدون
سنی ایتمیشدی کیم مهمان ئولیدی زینبون قارداش
حسین جان یانیوه گلدیم گچن گون بادل مضطر
بویوردون گت خیامه قورخار ایندی عترتیم یکسر
باشون سالم بدندیدی کسوب هانسی جفا گستر
قویوب باشسیز سنی دونان ئولیدی زینبون قارداش
سوزوم چوخدور یارالی ویرموری اعدا منه فرصت
دیم زینب نلر چکدی اولاندا خیمه لر غارت
بو قدری عرض ایده بولم باجوندان سلب اولوب طاقت
اورکدن اولموشام سوزان ئولیدی زینبون قارداش
شعر از : شاجری
ثبت دیدگاه