بسمه تعالی

 کانون محبتدی حسینیه اعظم                                  خلوتگه رافتدی حسینیه اعظم

بو خیمه نی زنجاندا قوروب زاده زهرا                      کیم گلسه بودرباره اولارمحو تولا

قوئمازقاپیدان سائیلینی حضرت مولا                         بیرپارچاکرامتدی حسینیه اعظم

ایراندا بو یر مورد ارباب نظردی                              گلسن شب تاسوعا گوررسن نه خبردی

بو مسجد ادب سنگریدی دافع شردی                      مشمول عنایتدی حسینیه اعظم

خوش گلمیسیز ای اهل ادب باغ حسینه                    میعادگه جمله احباب حسینه

زهرا بو یری وقف ائدوب اصحاب حسینه                  بیل قدرینی نعمتدی حسینیه اعظم

بوردان اوجالار زمزمه هر ایل شب میلاد                    هرکس گله صدقیله اولار غصه دن آزاد

حاجاتین آلان سسلر حسین جان ایون آباد               درمانگه عصمتدی حسینیه اعظم

سوز اولماسا،دیل یانماسا،گوز آغلیا بیلمز                   هر لاله سولان وقتده جگر داغلیا بیلمز

هچ قدرت حسینون قاپوسون باغلیا بیلمز                   خلوت دئمه جنتدی حسینیه اعظم

اوللار کی گلر هر شب جمعه بو سرایه                       صدقیله سلام ایلر امام و شهدایه

گل سنده خلوصیله قوشول اهل صفایه                       کاشانه وحدتدی حسینیه اعظم

فکر ائتمه حسینیه لرین صاحبی یوخدی                    عرش اهلی نگهباندی اودور جلوه سی چوخدی

دشمن گوزونه ذکر حسین ضربیدی اوخدی              اردوی حراستدی حسینیه اعظم

جانیم او شهیدان وفا گستره قربان                            یاران جگر سوخته ی رهبره قربان

سرباز حسینیه بسیجی لره قربان                               میقات شهادتدی حسینیه اعظم

خوش گلمیسیز ای یار آدی گلدیخچا اسنلر              قربانلیخ ابالفضل علمی آتدا کسنلر

ای کربو بلادن ساری قلبی تلسنلر                             خوش محفل وصلتدی حسینیه اعظم

شعر از: استاد کلامی زنجانی

 

X
روزهای پنج شنبه : مراسم پرفیض زیارت عاشورا - ساعت 10 شب روزهای جمعه : مراسم پرفیض دعای ندبه - ساعت 7:30 صبح