جهاندا پرتو ایمان حسیندی

عزیزخالق سبحان حسیندی

گدای بینوایوق درگهینده

هامی نوکر فقط سلطان حسیندی

حسینون عرشیده وار احترامی                

گوزلدی آدی عالیدور مقامی

کلام اللهدی مولانین کلامی

اولوب حاتم بو درگهده غلامی

  دینن هر دردیچون درمان حسیندی

حسین نور خدای لم یزلدی

مقام ومنزلتده بی بدل دی

یوزی زیبادی یوسفدن گوزلدی

اوزی آزاده ی بین المللدی

جهاندا حامی قرآن حسیندی                                              

حسیندی ملک جانانون امیری   

حسیندی دولت عشقون سفیری

ولایت برجینون ماه منیری

 کمند زلفنون عالم اسیری

صفای گلشن جانان حسیندی                                                   

اگر حاتم کریم ومهرباندی

اگر لیلی دیور مجنونه جاندی

اگر یوسف نگار مصریاندی

بیزیم اربابیمیز شاه جهاندی

بو دنیاده شه خوبان حسیندی                                                   

دیسه لر کیمدی عرشه گوشواره؟

دینن عاقللره بسدور اشاره

گیدوب قونداقدا عرش کردگاره

گونه باخما حسینه قیل نظاره

نگار سوم شعبان حسیندی          

                            شعر از:بهلول حبیبی

 

X
روزهای پنج شنبه : مراسم پرفیض زیارت عاشورا - ساعت 10 شب روزهای جمعه : مراسم پرفیض دعای ندبه - ساعت 7:30 صبح

آخرین خبر سایت