علینون عشقی واردی اورکده رشته رشته
یازوبدی لوح عرشه گوزل آدین فرشته
گیده جهاندا زاهد گیجه گونوز کنشته
علینی ایتسه انکار اجازه یوخ بهشته
که هر ایکی جهاندا ولایت علی وار
ـــــــــــــــــــــــــــــــــــــــــــــــــــــــــــــ
گدای کوی عشقه علی کرم ویروبدی
کلیمه شرح صدر و مسیحه دم ویروبدی
آدون دیوب سلیمان اونا حشم ویروبدی
به حق آل طاها خدا قسم ویروبدی
او کس که حیدریدور شفاعت علی وار
ــــــــــــــــــــــــــــــــــــــــــــــــــــــــــــــ

بصیرتیله ای دل علیده باخ وقاره
اورکده باب علم و الینده ذوالفقاره
دی مرحبا اوشیر خدای کردگاره
اونون نظیری گلمز بو عالمه دوباره
منادیان عشقه حمایت علی وار
ــــــــــــــــــــــــــــــــــــــــــــــــــــــــــــ

علی ابوالعجایب نگار لم یزلدی
وصی ختم مرسل وفاده بی بدلدی
خدانون اوز ایوینده آقا جهانه گلدی
گوزللرین ایچینده منیم آقام گوزلدی
مرید بوترابه کرامت علی وار
ــــــــــــــــــــــــــــــــــــــــــــــــــــــــــــــــ

جفاییلن او مولا اگر چه قانه باتدی
حسن شهید اولوبدی حسینه نوبه چاتدی
خدا حسینه یاور ابوالفضلی یاراتدی
دیار کربلاده آتا باشین اوجاتدی
دیدی دامارلاریمدا شجاعت علی وار

صفالی گلستاندا طراوت علی وار
ولا حکومتینده عدالت علی وار
ـــــــــــــــــــــــــــــــــــــــــــــــــــــــــــــــــــــــــ
علینون حق یانیندا بویوکدی امتیازی
اونون آدیلا گویده ایدله عشق بازی
کیم اوپسه آستانون یوخ هیچ کسه نیازی
ایدوبدی نوری روشن سراسر حجازی
فلک بیلور هر ایشده صداقت علی وار
ــــــــــــــــــــــــــــــــــــــــــــــــــــــــــــــــــــــ
حکایت غدیره سوز اهلی مشتریدور
اورکلرین قراری محمدالنبیدور
اساس دین و قرآن ولایت علیدور
اونا کیم اولسا منکر یقین بیل اجنبیدور
که عالم بقایه عنایت علی وار
ــــــــــــــــــــــــــــــــــــــــــــــــــــــــ
علی نمازین اوسته صله ویروب فقیره
اگر باشین غنی لر بو شاه بی نظیره
اولوبدی چشم عالم بو نور حقه خیره
تفکر ایتسه هر کیم همیت غدیره
دییر که قلبیلرده محبت علی وار

شعر از: حبیبی

X
روزهای پنج شنبه : مراسم پرفیض زیارت عاشورا - ساعت 10 شب روزهای جمعه : مراسم پرفیض دعای ندبه - ساعت 7:30 صبح