قرمزی لاله گولون بنزری قارداش گئدورم

کفن و دفن ایلمدیم پیکریوی بوردا حسین

قالان ای یرده تن بی سری قارداش گئدورم

منه خوش گلمدی بو دشت غم افزا یارالی

باشیما سالدی قرا معجری قارداش گئدورم

بو بالا قیز لاریوی دور یولا سال ایله دعا

دوت دیله ایندی شیرین دللری قارداش گئدورم

سوروشو لاّر بالالار هر بیری بیر سوز یانورام

سیندی بوقو شلاریوین شهپری قارداش گئدورم

ویرور اولدوز کیمی چشمک بدنین یاره لری

قان اولان قلبه سالور آذری قارداش گئدورم

پیکرین گور نئجه قرآن کیمی یرده داغلوب

پوزدی غم غصّه لرون کوثری قارداش گئدورم

بیربیریندن گورورم عضو بدن آیریلمش

قویارام بوردا گل پرپری قارداش گئدورم

گور کیم اولموش باجیوین ایندی جلو داری حسین

با خبر ائت اوجا بوی افسری قارداش گئدورم

دی ابوالفضله گلوب قیزلارا همراه اولسون
یولاّ امداده او نام آوری قارداش گئدورم

آیریلوب گرچه بدندن او اوزون قولاّری

سواو تاندیردی همان صفدری قارداش گئدورم

منیله گلمیشدی اکبر و قاسم بو چوله

دوغرانان قاسمیله اکبری قارداش گئدورم

بو گون اوچ گوندی رباب اصغری صوددن آیروب

ولی قان ایچدی علی اصغر قارداش گئدورم

ری هوا سیله سنون قانیوی سعداوغلی توکوب

داغدار ائتدی شه محشری قارداش گئدورم

باشیوی شمر کسوب اللریوی کیم کسدی

گورمسین گون ائله بیر کافری قارداش گئدورم

با جون ئولسون دی گوروم بارماقیوی کیم کسدی

آپاروب غارته انگشتری قارداش گئدورم

زینبین اینجیدی بو کرب وبلا دشتیندن

سینهء فاطمه نین زیوری قارداش گئدورم

کوچ ائدر هانسی باجی دهریده زینب مثلی

قوملاراوستونده قالاردلبری قارداش گئدورم

کوفیه شام غریبان گئجه سی گئتدی  باشین

آغلادوب فاطمهء اطهری قارداش گئدورم

آنامین سینه گلی دور یولا سال بس باجیوی

سان وئروردوره ده غم لشگری  قارداش گئدورم

گلمیشم کیملریله گور گئدورم کیملریله

عزّتیله یولا سال خواهری قارداش گئدورم

((رضوی)) نوکر کمتردی قاپندا یارالی

نا امید ایلمه بو نوکری  قارداش گئدورم

شعر از : رضوی

X
روزهای پنج شنبه : مراسم پرفیض زیارت عاشورا - ساعت 10 شب روزهای جمعه : مراسم پرفیض دعای ندبه - ساعت 7:30 صبح