الله سنه خاطر توکولور قان بوغازیمدان
ایستور ئوپه بو خنجر برّان بوغازیمدان
آخور قانی حسینون- چخور جانی حسینون
*****
آیریلدیم الهی سنه خاطر هامی کسدن
روحیم قوشی ایستور اوچا بو قانلی قفسدن
دین جان تاپاجاق دوشسه علی اوغلی نفسدن
نیلک دگه قوی نیزه و پیکان بوغازیمدان
آخور قانی حسینون- چخور جانی حسینون
دوشدوم یولا میدانه گلم خیمه دن الآن
زینب دئدی بیر لحظه دایان با دل سوزان
آچدی یقه می گوردی بیر ایش آغلادی طفلان
ِِئِوپدی نچه یول خواهر نالان بوغازیمدان
آخور قانی حسینون- چخور جانی حسینون
علِِّت خبر آلدیم دئدی ای نور دو عینیم
زهرا بیوروب ئولّم ادا اولماسا دینیم
آئوپ حلقینی میدانه گئدن وقته حسینیم
زهرا عوضیندن ئوپوب عطشان بوغازیمدان
آخور قانی حسینون- چخور جانی حسینون
مادر عوضیندن منی گر خواهر ئوپوبدی
هم فاطمۀ طاهره هم حیدر ئوپوبدی
بو حنجر همان یئردی که پیغمبر ئوپوبدی
بیر عمر چخوب نغمۀ قرآن بوغازیمدان
آخور قانی حسینون- چخور جانی حسینون
قاتلده حیا اولسا بئله ظلمه تلسمز
چیخماز یارالی سینه مه هم اللری اسمز
خنجرده بو پیغمبر ئوپن حنجری کسمز
شمرین قلجی شرم ائدر عریان بوغازیمدان
آخور قانی حسینون- چخور جانی حسینون
شعر از : استاد کلامی زنجانی
ثبت دیدگاه