یا حسین گَل قولّاریم اوُلدی قلم
نهر علقمده یاتوپ قانلی علم
***
قَصدیمی ظُلم اهلی بیلدی سیدی
اَصغرین حَلقی بیچیلدی سیدی
گَل اوجا قامت، کیچیلدی سیدی
گوزدن آتماز نوکرین اَهلِ کرم
***
در گهینده بیر ادبلی بَنده یَم
اوخلانوب مشگیم غمه آکندهِ یَم
ساقیم، یوخدور سُویوم شَرمندیم
خیمه ده یول گوزلوری اهل حرم
***
قانیلن بو چولده دُولدی گوزلریم
ظُلمیلن میداند دوشدی الّلریم
دُوغرانوبدی قطعه قطعه پیکریم
غَرق اولوب طُوفانلی دریاده بَلم
شعر از: بهلول حبیبی
ثبت دیدگاه