| گل دوشدوم عقابدان یارالی | فریاده گل ای باشی بلالی |
| قارداشون آلوب آریه لشگر | اللرده سنان و تیر و خنجر |
| امدادیمه تیز گل ئولدوروللر | ناحق یره کوفیان رجالی |
| از بس که ویروبلار زخم پیکان | اولموش بدنیم تمام شان شان |
| گل حالیمی بیر سوروش حسین جان | قارداشین ئولور یاماندی حالی |
| ووردی باشیما عمود دشمن | دوشدوم ئوزو قویلی مرکب اوستن |
| گل برده او گل یوزون گوروم من | گورسون بو گوزوم اومه جمالی |
| باشیم یارالاندی اولدی منشق | اوخ مشکیمه دیدی، یاتدی بیرق |
| قارداشوی اولدروله نا حق | ظلم ایله سنوبدی پر و بالی |
| باتدی نفسیم دلیندی سینم | انصاف ایلموله بی معینم |
| صد حیف سوسوز قالوب سکینم | آرامیم آلوب اونون خیالی |
| اولقدر وروبلا نیزه و اوخ | بیر ذره بدنده ساح یریم یوخ |
| مشکین سوئی گیتدی خجلتم چون | عباسون اولوبدی دست خالی |
شاعر : حاجی میرزا اکبر خلدی زنجانی
ثبت دیدگاه