صفالی گلستاندا طرا وت علی وار
ولا حکومتینده عدالت علی وار
علینون حق یانیندا بویوکدی امتیازی
اونون آدیلا گویده ایدله عشق بازی
کیم اوپسه آستانون یوخ هیچ کسه نیازی
ایدوبدی نوری روشن سراسر حجازی
فلک بیلور هر ایشده صداقت علی وار
حکایت غدیره سوز اهلی مشتریدور
اورکلرین قراری محمدالنبیدور
اساس دین و قرآن ولایت علیدور
اونا کیم اولسا منکر یقین بیل اجنبیدور
که عالم بقایه عنایت علی وار
علی نمازین اوسته صله ویروب فقیره
اگر باشین غنی لر بو شاه بی نظیره
اولوبدی چشم عالم بو نور حقه خیره
تفکر ایتسه هر کیم همیت غدیره
دییر که قلبیلرده محبت علی وار
علینون عشقی واردی اورکده رشته رشته
یازوبدی لوح عرشه گوزل آدین فرشته
گیده جهاندا زاهد گیجه گونوز کنشته
علینی ایتسه انکار اجازه یوخ بهشته
که هر ایکی جهاندا ولایت علی وار
گدای کوی عشقه علی کرم ویروبدی
کلیمه شرح صدر و مسیحه دم ویروبدی
آدون دیوب سلیمان اونا حشم ویروبدی
به حق آل طاها خدا قسم ویروبدی
او کس که حیدریدور شفاعت علی وار
بصیرتیله ای دل علیده باخ وقاره
اورکده باب علم و الینده ذوالفقاره
دی مرحبا اوشیر خدای کردگاره
اونون نظیری گلمز بو عالمه دوباره
منادیان عشقه حمایت علی وار
علی ابوالعجایب نگار لم یزلدی
وصی ختم مرسل وفاده بی بدلدی
خدانون اوز ایوینده آقا جهانه گلدی
گوزللرین ایچینده منیم آقام گوزلدی
مرید بوترابه کرامت علی وار
جفاییلن او مولا اگرچه قانه باتدی
حسن شهید اولوبدی حسینه نوبه چاتدی
خدا حسینه یاور ابوالفضلی یاراتدی
دیار کربلاده آتا باشین اوجاتدی
دیدی دامارلاریمدا شجاعت علی وار
شعر از : بهلول حبیبی
ثبت دیدگاه