«#پویش #من_حسینی_ام»
.
دل عالم ولاده دییر #من_حسینی_ام
جان شوق کربلاده دییر #من_حسینی_ام
ماه محرمین اوجالان وقته پرچمی
قوشلار اوچار هواده دییر من حسینی ام
بیر ایش گوروب حسین هامی دیوانه دور اونا
بیگانه ، آشناده دییر من حسینی ام
.
سسلنسه یکصدا هامی #لبیک_یا_حسین
روح القدس سماده دییر من حسینی ام
سبقت دوتار ملکلر ، اَنه عرشیدن یره
اگلشجاقین عزاده دییر من حسینی ام
دیندیرسن ایندی ده حججی نین کسیک باشی
نی تک یانار نواده دییر من حسینی ام
.
قربانم اول جوانه که اکبر یولون گیده
اکبر ئوزی عباده دییر من حسینی ام
اکبر که قانینه بلشر قانلی جبهه ده
قاسم گلر جهاده دییر من حسینی ام
ام البنین بالاسی امان نامه نی جیرار
شهرت تاپار وفاده دییر من حسینی ام
آق سقالین حبیب اوزونون قانینه بویار
وار جلوه بو حناده ، دییر من حسینی ام
عابس زرهله کوینگینی شوقیدن سویار
جان الده ایستاده دییر من حسینی ام
ایتمز قبول ، اُمّ وَهَب اوغلونون باشین
ویردیم رهِ خداده دییر من حسینی ام
قان لخته سی غلام سیاهین گوزون دوتار
نعشی قالار اراده دییر من حسینی ام
حرّین که معصیت گوزون آلمشدی، ناگهان
لعن ایلیوب زیاده دییر من حسینی ام
هر کیم حسینه اگسه باشین احترامیلن
اگمز باشین فساده دییر من حسینی ام
الله نه ذکردور بو حسین ، دللره دوشوب
عارفله پارساده دییر من حسینی ام
اشراف زاده نین خبری یوخ بو عشقیدن
آری حلال زاده دییر من حسینی ام
البته که وار ایرانا آرتیق عنایتی
کیم گلسه بو بلاده دییر من حسینی ام
هندین او پیر رهبری، گاندیّ قهرمان
کوران ابتلاده دییر من حسینی ام
آزاده لر قبیله سینه یوخدی حد و مرز
زکزاکی زاریا ده دییر من حسینی ام
وهابی لار الینده ئولن حاجیان بیت
هم مکّه هم مناده دییر من حسینی ام
هر چند شیعیان یمن قان ایچینده دی
اما او ماجراده دییر من حسینی ام
بو #من_حسینی_ام رجزین دیللره سالان
کیمدی؟ شهید داده دییر من حسینی ام
آلما خبر او کیمدی مگر بیلموسن آدین؟
زینبدی، ال دعاده دییر من حسینی ام
بو اربعین سپاهینی زینب سالوب یولا
زائر گیدر پیاده دییر من حسینی ام
زینب بو ذکریلن شهدایه معین اولوب
گوز یاشلی آه و وا ده دییر من حسینی ام
قربانلاری منای محبّتده ذبح اولوب
باشلار گزر جداده دییر من حسینی ام
ــــــــــــــــــــــــــــــ
ثبت دیدگاه