گل حیدر فقط زهرادی زهرا
مه انور فقط زهرادی زهرا
دینن بیگانه جمع ایتسون بساطین
بیزه یاور فقط زهرادی زهرا
ــــــــــــــــــــــــــــــــــــــــــــــــــ
امیرالمومنینه جاندی زهرا
اورکلر ملکینه سلطاندی زهرا
یاپوشسان پرچمیندن دستماز آل
یوز اون دورت سوره ی قرآندی زهرا
ــــــــــــــــــــــــــــــــــــــــــــــــــــــــــ
ملکوت اهلینه همدمدی زهرا
نگین حلقه ی خاتم دی زهرا
ملکلر سایه سینده پر ویروللار
دلیل خلقت عالمدی زهرا
ــــــــــــــــــــــــــــــــــــــــــــــــــــــــــــــــــــــ
خانم زهرا گل دلخواهیمیزدی
عزاسی عزتیلن جاهیمیزدی
اوزی مادردی کل شیعیانه
جهاندا اوغلی مهدی شاهیمیزدی
ــــــــــــــــــــــــــــــــــــــــــــــــــــــــــــــــــــــــــــــــ
عدالت خصلتین مولادن اورگش
محبت سیرتین طاهادن اورگش
دینن شیعه دلیجه بدحجابه
حیانی حضرت زهرادن اورگش
ــــــــــــــــــــــــــــــــــــــــــــــــــــــــــــــــــــــــــ
اشیت خیر النسانین زینبیندن
ملکلر درس آلوب چادر شبیندن
بیله شاگرد ممتازه ماشالله
چیخوب علامه زهرا مکتبیندن
ــــــــــــــــــــــــــــــــــــــــــــــــــــــــــــــــــــــــ
همان زینب هوادار حسیندی
بلا دشتینده غمخوار حسیندی
اسوردی قورخودان آل امیه
ابوالفضل تک علمدار حسیندی
ــــــــــــــــــــــــــــــــــــــــــــــــــــــــــــــــــــــــــــــــــــ
همان زینب حسین تک حق دیندی
یزیدین قصرینی ویران ادندی
ایله بیل خطبه سی تیغ علیدور
آتاسی شیر اوزوده شیر زندی
ـــــــــــــــــــــــــــــــــــــــــــــــــــــــــــــــــــــــــــ
همان زینبدی که زهرا نشاندی
شرف و آبرو دینه قازاندی
مقام زینبه ایتسم اشاره
سه ساله فاطمه سی قهرماندی
ــــــــــــــــــــــــــــــــــــــــــــــــــــــــــــــــــــــــــــــ
التماس دعا :بهلول حبیبی
ثبت دیدگاه